სადაც მის მარპლია, იქ აუცილებლად დანაშაული ხდება. არა აქვს მნიშვნელობა, შინ არის, თავის ლამაზ და მყუდრო სოფელში, სენტ-მერიმიდში, სადმე სტუმრად თუ დასასვენებლად, მაგალითად, ლონდონის ერთ ძველ, რესპექტაბელურ სასტუმრო "ბერტრამში". ეს სასტუმრო მისი ბავშვობის დაუვიწყარი ლამაზი მოგონებაა და როგორ გაიხარა, როცა მისმა გულისხმიერმა დისშვილმა რაიმონდმა საყვარელ დეიდას საოცნებო "ბერტრამში" მყუდრო ნომერი დაუქირავა დასასვენებლად, ლონდონის ღირსშესანიშნაობების კიდევ ერთხელ დასათვალიერებლად და ბავშვობის ადგილების მოსანახულებლად. დასვენება დასვენებად, მაგრამ მის მარპლის დაკვირვებულ თვალს არ გამოჰპარვია, რომ ამ რესპექტაბელურ ადგილას რაღაც ისე არ იყო და, როგორც ყოველთვის, არ შემცდარა.

გადახედე წიგნს