ტატო მოდებაძის „ქორწილამდე წასაკითხი“ მოთხრობების სადებიუტო კრებულია. ამ იუმორითა და ირონიით გაჯერებულ ტექსტებში ყოველდღიურობა უცნაურ თავგადასავლებად გადაიქცევა. ნაცნობი ქართული ხასიათები მკითხველს სრულიად მოულოდნელი კუთხით დაანახებენ რეალობას. საკუთარ თავში დაეჭვებული, სიმართლის და სიყვარულის მაძიებელი, უიმედობასთან ირონიით მებრძოლი პერსონაჟები ყოვლად ჩვეულებრივ და ყოვლად უჩვეულო ადგილებსა და გარე მოებებში ერთდროულად ამოყოფენ თავს: რეპროდუქციული კლინიკა, თეატრის დარბაზი, ლუდის ბარი, სუმოს მოყვარულთა საზოგადოება, დღევანდელობიდან გადახატული ბიუროკრატიული კაბინეტები, აბსურდული პრეისტორიული წარსული და უამრავი სხვა ავტორისთვის ის სათამაშო მოედანია, სადაც მისი მოთამაშე-პერსონაჟები დაუღალავად გაურბიან საკუთარ თავსა და პრობლემებს, ან პირიქით - ცხოვრების ჭეშმარიტი აზრის პოვნას ცდილობენ.

გადახედე წიგნს