ლიტერატურული კონკურსი "გახდი ბესტსელერის ავტორი 2020" ფინალს უახლოვდება. 11 ივნისს, 17:00 საათზე, პირველი ტურის ფარგლებში, ხმის მიცემა შეწყდა. ფინალისტების ვინაობა უკვე ცნობილია - 10 მათგანი ხალხის რჩეულია, ხოლო ჟიურიმ მხოლოდ 7 ფინალისტი დაასახელა.
ფინალისტების სია ასეთია:
ხალხის რჩეულები:
- სალომე ბლიაძე
- ქარდა ქარდუხი
- ანაბელ შველიძე
- ოთო გოგალაძე
- დავით ჩომახიძე
- ხატია თელიაშვილი
- გიორგი ყელბერაშვილი
- სოფიო ბიჭიკაშვილი
- თამარ რობაქიძე
- დარინა აბულაძე
ჟიურის რჩეულები გახდნენ:
- მარიამ გურგენიშვილი
- ქარდა ქარდუხი
- ნიკოლოზ ცისკარიშვილი
- ფრენს გიკო
- სალომე კალანდია
- ლუკა ხატიაშვილი
- ლადო გელაური
ერთ-ერთი კონკურსანტთან, ქარდა ქარდუხთან დაკავშირებით, ხალხისა და ჟიურის აზრი დაემთხვა და ის ორივე მათგანის სიაში მოხვდა. შესაბამისად, მეორე ტურში სულ 16 კონკურსანტი გადავიდა.
ფინალში პირველ ტურში მიღებული ხმები ანულირდება და კონკურსანტებისთვის ხმის მიცემა დაიწყება თავიდან. მეორე ტური 25 ივნისიდან 9 ივლისამდე გასტანს.
10 ივლისს გამოცხადდება მაქსიმუმ სამი გამარჯვებული, რომელთაგან 1 მკითხველისრჩეულიიქნება, 1 − ჟიურის, ხოლო ერთს ჟიური აარჩევს ჟიურისა დამკითხველისერთობლივისიიდან.
იხილეთ წესები და პირობები: https://www.palitral.ge/konkursis-tsesebi-da-pirobebi.html?lang=ka-GE
ლიტერატურულიკონკურსი, რომელმაცუკვეარაერთინიჭიერიავტორიაღმოაჩინაწელსმეოთხედტარდება. პროექტის მიზანი, ერთის მხრივ, ქართული ლიტერატურის პოპულარიზაცია; მეორე მხრივ, ახალი ავტორების აღმოჩენა და მათთვის ხელშეწყობაა.
კონკურსი „გახდი ბესტსელერის ავტორი“ უკვე მეოთხე წელია ტარდება და ამ ხნის განმავლობაში, საინტერესო ავტორებიც აღმოაჩინა, პროექტის ფარგლებში გამოცემული არაერთი წიგნი კი ნამდვილი ბესტსელერი გახდა. სწორედ პროექტ "გახდი ბესტსელერის ავტორის" დამსახურებით დამკვიდრდა ქართული წიგნის ბაზარზე ტენდენცია, რომ წიგნების ტოპ ათეულში ძირითად პოზიციებს ქართველი ავტორები ინარჩუნებენ, კერძოდ კი, სწორედ ამ კონკურსის გამარჯვებულები. რამდენიმე მათგანის წიგნი სხვადასხვა ენაზე ითარგმნა და უცხოეთში გაიყიდა, მოიპოვა არაერთი ლიტერატურული ჯილდო.
დღესდღეობით, ეს არის ერთადერთი კონკურსი საქართველოში, რომლის მიზანი ახალგაზრდა, ნიჭიერი მწერლების პოვნა და მათი მკითხველისთვის გაცნობაა.
„2019 წლის გამარჯვებულებთან დაკავშირებით პროექტის წესებით განსაზღვრული გეგმა - ტურნე საქართველოს ქალაქებში, შეხვედრა მკითხველებთან, პრეზენტაციები, თბილისის წიგნის ფესტივალის ფარგლებში, წიგნების წარდგენა და ა.შ. - დროებით გადაიდო, რადგან გავითვალისწინეთ სახელმწიფოს რეკომენდაციები, შექმნილი ვითარების გამო. ამიტომ, გარკვეული ცვლილებები შევიტანეთ 2020 წლის გეგმაშიც, რაც გულისხმობს კონკურსის გამარჯვებულთა რაოდენობის შემცირებასაც. 2020 წელს კონკურსი, ხუთის ნაცვლად, გამოავლენს სამ გამარჯვებულს, რომლებიც, 2019 წლის 5 გამარჯვებულთან ერთად, ანუ ჯამში 8 (5+3) ავტორი გამართავენ მკითხველთან შეხვედრებს მთელი საქართველოს მასშტაბით“, - მარიამ აბდუშელიშვილი, გამომცემლობა „პალიტრა L-ის“ საზოგადოებასთან ურთიერთობის მენეჯერი.
გთავაზობთ კონკურსის პირობების აღწერას ზემოთ აღნიშნული ცვლილებების ჩათვლით:
I ტურში კონკურსზე განაცხადების მიღება დაიწყო 1-ლ აპრილს და დასრულდა 1-ლ მაისს.
კონკურსზე დაშვებული ნაწარმოებები აიტვირთება საიტზე (https://www.palitral.ge/konkursi) და მკითხველს მათი გაცნობისა და ხმის მიცემის შესაძლებლობა მიეცემა 11 მაისიდან 11 ივნისის ჩათვლით.
I ტურის შედეგად, გამოვლინდება მაქსიმუმ 20 კონკურსანტი -ათი მკითხველის რჩეული გახდება, ათს კი კონკურსის ჟიური გამოავლენს.
შენიშვნა: იმ შემთხვევაში, თუ მკითხველისა და ჟიურის არჩევანი დაემთხვევა ერთმანეთს, მე-2 ტურში გადავა ოცზე ნაკლები ნაწარმოები.
მე-2 ტურში გადასული კონკურსანტები შესაბამის შეტყობინებას მიიღებენ გამომცემლობიდან. ამ კონკურსანტებმა, 12 ივნისისდან 20 ივნისამდე, კონკურსის ელ. ფოსტაზე - konkursi@palitra.ge უნდა გამოგზავნონ:
• I ტურში გამოგზავნილი ნაწარმოების გაგრძელება – 60-80 გვერდამდე, Word დოკუმენტი, შრიფტი − Sylfaen, ზომა − 11, ხაზებს შორის დაშორება − სტანდარტული (Multiple)
• ნაწარმოების დეტალური აღწერა (Word დოკუმენტი, 60-დან 150 სიტყვამდე).
მე-2 ტურში პირველ ტურში მიღებული ხმები ანულირდება და კონკურსანტებისთვის ხმის მიცემა დაიწყება თავიდან, ხმის მიცემის პროცედურის დაცვით.
მე-2 ტურში ხმის მიცემა დაიწყება 25 ივნისს და დასრულდება 9 ივლისს, 10 ივლისს კი გამოცხადდება მაქსიმუმ 3 გამარჯვებული. მათგან 1 მკითხველის რჩეული იქნება, 1 − ჟიურის, 1 კი - ჟიურისა და მკითხველის ერთობლივი არჩევანი. ამ უკანასკნელს ჟიური აარჩევს მეორე ტურში გადასული 20 ნაწარმოებიდან.
როგორც წესი, გამარჯვებულების გამოვლენამდე, ლიტერატურული კონკურსის ჟიურის შემადგენლობა კონფიდენციალურია.
დამატებითი ინფორმაციისთვის გადადით ბმულზე: https://www.palitral.ge/konkursis-tsesebi-da-pirobebi.html?lang=ka-GE
როგორც უკვე იცით, გამომცემლობა ”პალიტრა L”-ის ლიტერატურული კონკურსი - ”გახდი ბესტსელერის ავტორი” უკვე დაიწყო. კონკურსში მონაწილეობის მიღება შეუძლიათ როგორც დამწყებ, ასევე უკვე კარგად ცნობილ მწერლებს (იხილეთ პირობები). - როგორ დავწეროთ ბესტსელერი? - ამ კითხვის პასუხად, ჯოან როულინგის რჩევები უკვე შემოგთავაზეთ, ამჯერად ერთ-ერთი ყველაზე რეიტინგული ამერიკელი მწერლის, სტივენ კინგის რეკომენდაციებს შემოგთავაზებთ. კინგი, რომელიც მრავალი ბესტსელერის ავტორია და რომლის წიგნების მიხედვით უამრავი ფილმია გადაღებული, საიდუმლოებებს გვიმხელს იმის შესახებ, თუ როგორ უნდა შევქმნათ საინტერესო ნაწარმოები.
1. ბევრი იკითხე და ბევრი წერე თუ გინდა იყო მწერალი, პირველ რიგში ეს ორი რამ უნდა გააკეთო: ბევრი იკითხო და წერო.
2. ცუდი წიგნი უფრო მეტს გასწავლის, ვიდრე კარგი ყველაზე კარგად ისწავლი, რა არ უნდა გააკეთო, როცა ცუდ პროზას კითხულობ.
3. კარგი წიგნი, მკითხველ მწერალს - სტილს ასწავლის კარგი წიგნები მწერალს ასწავლის სტილს, გადმოცემის ფორმას, სიუჟეტის განვითარებას, რეალისტური პერსონაჟების შექმნას და სიმართლის თქმის უნარს.
4. აკეთე ის, რაც მოგწონს თუ იპოვი იმას, რის ნიჭიც გაქვს, იქამდე უნდა აკეთო ის, ვიდრე თითებიდან სისხლი არ წამოგივა და თვალები ბუდიდან გადმოცვენას არ დააპირებს. მაშინაც კი, როცა არავინ გისმენს, არავინ კითხულობს, ან გიყურებს, ყოველი ასეთი ქმედება - ოსტატური სპექტაკლია, რომელშიც შენ, როგორც შემოქმედი - ბედნიერი ხარ.
5. მუშაობა მშვიდ გარემოში შენ გჭირდება კაბინეტი, რომელსაც აქვს კარი. დახურული კარი - ეს არის საშუალება, უთხრა მთელს მსოფლიოს და საკუთარ თავს, რომ სრული სერიოზულობით იწყებ საქმის კეთებას და იწყებ წერას.
6. დაისახე მიზანი შენ უნდა დაისახო კონკურეტული მიზანი სამუშაო დღისთვის. მე გთავაზობ დღეში 1000 სიტყვას! დასაწყისისთვის, შეარჩიე ერთი დღე კვირაში, განმარტოვდი კაბინეტში, დახურე კარი და დაიწყე 1000 სიტყვის ფურცელზე გადატანა.
7. თავიდან მოიშორე ყველაფერი, რაც ყურადღებას გიფანტავს კაბინეტიდან გაიტანე ტელეფონი, ტელევიზორი და სხვა სულელური ხელისშემშლელი ვიდეო თამაშები. ფანჯარას კი ფარდა ჩამოაფარე.
8. ხმაური თუ სიწყნარე? მოცემული პუნქტი თქვენს ინდივიდუალიზმზეა დამოკიდებული. მაგალითად მე, ხმამაღალი მუსიკის ქვეშ ვწერ. როდესაც წერ, ხომ გინდა, ამ სამყაროდან წახვიდე? რა თქმა უნდა! როდესაც წერ, შენ საკუთარ სამყაროს ქმნი.
9. ნუ დაელოდები მუზას, დაიწყე მუშაობა და ის თავად მოგძებნის
10. რაზე უნდა წერო? შეხვედი კაბინეტში, დახურე კარი, ჩამოუშვი ფარდა, ტელეფონი გამორთე. განეწყვე, რომ 1000 სიტყვა უნდა დაწერო და მაშინვე ჩნდება კითხვა: რაზე უნდა დავწერო? სერიოზული პასუხი: რაზეც გინდა! მთავარია, სიმართლეს ამბობდე. თუ დეტექტივი მოგწონს, დეტექტივი დაწერე. დაწერე რაც გინდა, შემდეგ მას სიცოცხლე შთაბერე და უნიკალური გახადე, დაუმატე ის, რაც იცი: მეგობრობა, სიყვარული, სექსი, ცხოვრების შენეული ხედვა. მე ღრმად მწამს: წიგნებს არ წერენ, წიგნი თავად იწერება.
11. კარგი აღწერა + ისტორიის მოყოლა = საინტერესო წიგნს აღწერა - აი, რა ხდის მკითხველს შენი ისტორიის მონაწილედ. აღწერე ისე, რომ მას კანზე უხილავმა ჭიანჭველებმა გადაურბინონ. ზედმეტად გაწელილი ახსნა მკითხველს სწრაფად ბეზრდება, მას არც „ძუნწური“ თხრობა მოსწონს. საიდუმლო -ოქროს შუალედის დაცვაშია.
12. დიალოგები გეხმარება გმირების ხასიათის განსაზღვრაში დიალოგი არის კარგი საშუალება, მოუსმინო საკუთარ პერსონაჟებს და მათი ხასიათი უკეთ გაიგო. დაიმახსოვრე: არასოდეს მოყვე ის, რისი ჩვენებაც შეგიძლია! ჩემი აზრით, საუკეთესო ნაწარმოები ყოველთვის ადამიანებზეა და არა მოვლენებზე. სტივენ კინგი აქტიურად თანამშრომლობს რედაქციებთან. მსოფლიოში მიღებული პრაქტიკაა, როდესაც რედაქცია გარკვეულ მოთხოვნებს უყენებს მწერალს. მაგალითად, ეუბნება ჟანრს და რომანის მოცულობას. მწერალი კი თავის მხრივ, ამას ითვალისწინებს და იწყებს წერას. ასე, რომ თუ წერა კარგად გამოგდით და გაქვთ ამბიცია, დაწეროთ ბესტსელერი, ნუ დაელოდებით მუზას, როგორც თავად კინგი იტყოდა, დაიწყეთ მუშაობა და ის თვითონ მოგძებნით. გისურვებთ წარმატებებს!
ბავშვებოაში მეგონა, რომ კარგი წიგნი არის ის რომელიც ღამეებს გამათენებინებდა, შემდეგ როცა წამოვიზარდე ვფიქრობდი რომ კარგი წიგნი იყო ის რომელიც მაფორიაქებდა, განცდებს მიტოვებდა, შემდგომ უკვე ვფიქრობდი რომ კარგმა წიგნმა რაღაც უნდა დამიტოვოს, გამიჩინოს სურვილი რომ სხვასაც გავუზიარო. დღეს მიმაჩნია რომ კარგი წიგნი არის ის, რომელიც ზუსტად ასახავს შენს სათქმელს, წიგნი რომელიც გათქმევინებს "ამაზე ხომ მეც მიფიქრია?!" თუმცა არა ასე სიღრმისეულად როგორც მოცემული წიგნი გვაფიქრებს.
"ყვავილები სახლთან ახლოს" - ალბათ, ყველას გეცნობათ ცნობილი იმპრესიონისტი მხატვრის კლოდ მონეს შთამბეჭდავი ნამუშევრის ეს სახელწოდება. ბევრისთვის ეს ფრაზა მხოლოდ ლეგენდარულ მხატვართან აღარ ასოცირდება - ცოტა ხნის წინ გამომცემლობა „პალიტრა L-მა“ „გახდი ბესტსელერის ავტორი 2019-ის“ გამარჯვებულები გამოავლინა, რომელთაგან ერთ-ერთის ნაწარმოებს სწორედ „ყვავილები სახლთან ახლოს“ ჰქვია.
ეს ხალხის ერთ-ერთი რჩეულის, 38 წლის თამარ გოდერიძის ნამუშევარია, რომელმაც მკითხველზე ემოციური შთაბეჭდილება დატოვა. ნაწარმოები ორ ნაწილადაა გაყოფილი: გოგოს ნაწილი და ბიჭის ნაწილი. ორივეს ისტორია განსხვავებული, ემოციური და შთამბეჭდავია უამრავი პარალელითა და საოცრად „ადამიანური“ თავგადასავლებით.
ავტორს წერის გამოცდილება ბავშვობიდან აქვს, თუმცა ეს მისი პირველი სერიოზული ნაწარმოებია. თამარ გოდერიძე ენდოკრინოლოგია, თუმცა მუსიკალური განათლებაც აქვს მიღებული. მუშაობს ოჯახის ექიმად, სხვადასხვა უნივერსიტეტში ასოცირებული პროფესორია და სამედიცინო მიმართულებით ლექციებს კითხულობს. როგორც თავად გვიამბო, კონკურსის მიმდინარეობისას, სტუდენტებისგან განსაკუთრებულ მხარდაჭერას გრძნობდა.
თამარ გოდერიძის „ყვავილები სახლთან ახლოს“ წიგნის მაღაზიების თაროებზე მალე გამოჩნდება, მანამდე კი, შეგვიძლია, ავტორი უკეთ გავიცნოთ:
- რატომ გადაწყვიტეთ, ბედი გამომცემლობა „პალიტრა L-ის“ კონკურსში გეცადათ?
- კონკურსს, შემთხვევით, ინტერნეტსივრცეში წავაწყდი. მეუბნებიან, ფეხი რომ ავიდგი, იქიდან პატარა ჩანახატებს და ლექსებს ვწერდი. შემდეგ რაღაც პერიოდის განმავლობაში შევწყვიტე, თუმცა მოგვიანებით განვაგრძე. ალბათ დადგა დრო, როდესაც ეს ყველაფერი უნდა გაერთიანებულიყო და თავისი სახელი დარქმეოდა. ამგვარ, ბიძგად მივიღე „პალიტრა L-ის“ ეს პროექტი და წერა დავიწყე.
პაციენტებთან, სტუდენტებთან ურთიერთობის ძალიან დიდი პროფესიული გამოცდილება დამიგროვდა. მიმაჩნია, რომ მედიცინა და ექიმობა არ არის მხოლოდ წამლის დანიშვნა და რაღაცისთვის თვალყურის დევნება. ხანდახან, ორგანული დაავადებები მიგვიყვანია ბოლომდე, დაგვიძლევია პრობლემა, მაგრამ შემდეგ ექიმისა და პაციენტის ურთიერთობა ფსიქოლოგისა და პაციენტის ურთიერთობად გარდაქმნილა. ხშირ შემთხვევაში, იმდენად ბევრი და საინტერესო შტრიხი გამოკვეთილა... დროთა განმავლობაში ეს ყველაფერი დაგროვდა.
მე ჩემს ნაწარმოებს რეალიზმის გამოხატვის ფორმად აღვიქვამდი. მასში თითოეული პერსონაჟი, გარკვეულწილად, თან არსებობს, თან არ არსებობს. მასში არის ძალიან ბევრი პარალელი. რაც ძალიან მნიშვნელოვანია, ამ ნაწარმოებში ყველა მკითხველი განსხვავებულ პარალელს იჭერს, ქვეტექსტებს ხედავს. როგორც მითხრეს, ყველასთვის ერთხელ წაკითხვა არ იყო საკმარისი. რაღაცებს დაუბრუნდნენ, რაღაცებს ჩაეძივნენ, ზოგმა საკუთარი თავი აღმოაჩინა, ზოგმა -ახლობელი.
ბევრისგან მოვისმინე ორი ფრაზა, რომელიც ჩემთვის, როგორც ავტორისთვის, მნიშვნელოვანია: ზოგმა მითხრა, რომ ცრემლებით დაასრულა ამ ნაწარმოების კითხვა და ზოგმა - რომ ერთი ამოსუნთქვით წაიკითხა.
- თქვენ ხალხის ერთ-ერთი რჩეული გახდით. რამდენად ელოდით ასეთ მხარდაჭერას?
- არ ველოდი, რადგან ამისთვის არანაირი გათვლა არ გამიკეთებია. გმირს ქმნი, შემდეგ კი ის თავისით იწყებს მოძრაობას. თვითონ გკარნახობს და თვითონ გაიძულებს. რაც არ უნდა გინდოდეს, რომ შენი გმირი სხვანაირად მოიქცეს, ვერ მოახერხებ - იქცევა ისე, როგორც მას უნდა.
საკმაოდ მასშტაბური და დატვირთული კონკურსი იყო, ჰყავდა უამრავი მონაწილე. თავდაპირველად, მათი ჩამონათვალი 87-ს აღწევდა. ვერ ვიტყოდი, რომ ასეთ მხარდამჭერას ველოდი. როგორც ჩანს, ჩემი პროფესიული საქმიანობის მანძილზე, ამდენ ადამიანთან ურთიერთობის შედეგად, ბევრი ნაცნობი და მეგობარი დამიგროვდა. თუმცა ასეთ შედეგს მაინც არ ველოდი.
უნივერსიტეტის სტუდენტებისგანაც უდიდესი მხარდაჭერა მივიღე. „ფეისბუქზე“ ძალიან ბევრი აზიარებდა, კითხულობდა. მეკითხებოდნენ, როდის დაიბეჭდებაო. როგორც პაციენტებში, ისე სტუდენტებში, ელვის სისწრაფით გავრცელდა ინფორმაცია.
- შინაარსობრივად რას მოიცავს „ყვავილები სახლთან ახლოს“ და რატომ არის ის ემოციებით დატვირთული ნაწარმოები?
- შინაარსობრივად, შეგვიძლია, ასე ჩამოვაყალიბოთ: რამდენად კარგია ადამიანებისთვის ბევრი ფიქრი და რამდენად გვპარავს ის დროს სწორი გადაწყვეტილების ძიებაში, ანუ კარგია თუ ცუდი, როცა ადამიანი ბევრი ფიქრის შემდეგ კი მივიდა გადაწყვეტილებამდე, მაგრამ, ამასობაში, ცხოვრებაში ბევრი რამ გამოტოვა. ვიტყოდი, რომ აქ ახალგაზრდობაში ერთმანეთგამოტოვებული ადამიანების ცხოვრებაა აღწერილი, რომლებიც, საბოლოოდ, მაინც ერთად აღმოჩნდებიან, მაგრამ ტკივილი ახვედრებთ ერთმანეთს. მერე ყველაფერი ლაგდება, მაგრამ, როგორც წვიმის შემდეგ მზეა, შემდეგ ისევ წვიმს და არასდროს არაფერია ერთფეროვანი, ისე იცვლება მათი ცხოვრება და ისევ მოდის გარკვეული ნეგატივი.
რაც შეეხება სახელს, როგორც კი პირველი ნაწილის წერა დავსრულე, დავარქვი „ლექსებად აკინძული ცრემლები“. იქ არის ერთ-ერთი მომენტი, რომელშიც ნახსენებია კლოდ მონეს ნახატი „ყვავილები სახლთან ახლოს“. გამოგზავნამდე 5 წუთით ადრე „ლექსებად აკინძული ცრემლები“ თვალში ნეგატიურად მომხვდა, სასწრაფოდ მოვხსენი და დავარქვი „ყვავილები სახლთან ახლოს“.
როგორც კი ამ სათაურით რომანი „პალიტრა L-ში“ გავგზავნე, კარზე გაისმა ზარის ხმა. როდესაც გავაღე, დამხვდა გოგო, ხელში ყვავილებით დახუნძლული დიდი თაიგულით, რომელსაც ყიდდა. მითხრა, რომ 7 ლარი ღირდა. რა თქმა უნდა, შევიძინე. იმ ყვავილებმა იცოცხლა კონკურსის დასრულებამდე. კონკურსის პირველი ტური დაიწყო 7 ივნისს და დამთავრდა 7 ივლისს, ჩემ მიერ დაგროვებული ხმების რაოდენობა კი 7 227 აღმოჩნდა. ასეთი „მიზეზ- შედეგობრივი“ დამთხვევა იყო, რომელიც იღბლიანიც აღმოჩნდა.
"არჩილ ფირიაშვილის სახით, ჩვენ ჩამოყალიბებული მწერალი შევიძინეთ. ავტორმა იმდენად მაღალი კლასი აჩვენა, რომ, მასთან დაკავშირებით, გადაწყვეტილების მიღებისას, ჟიური ერთსულოვანი იყო" - ეს სიტყვები "გახდი ბესტსელერის ავტორი 2019-ის" ჟიურის ერთ-ერთ წევრს, ლევან ბერძენიშვილს ეკუთვნის.
არჩილ ფირიაშვილის "ფეხბურთის მოთამაშე" ავტორის ერთადერთი ნაწარმოებია, რომელიც მას განვლილი 37 წლის განმავლობაში დაუწერია. პირველივე მცდელობამ ავტორიტეტული ჟიურის უმაღლესი შეფასება დაიმსახურა.
AMBEBI.GE-მ გადაწყვიტა, "გახდი ბესტსელერის ავტორი 2019-ის" ჟიურის რჩეული არჩილ ფირიაშვილი, რომლის წიგნსაც მკითხველი მალე იხილავს, უფრო ახლოს გაგაცნოთ.
არჩილი ბიზნესმენია - ცნობილი ფიტნესცენტრების მფლობელია. ამასთან, ჩართულია ტექნოლოგიური სტარტაპების პროექტების შექმნაში. "გახდი ბესტსელერის ავტორის" ერთ-ერთ გამარჯვებულს კითხვა ყოველთვის უყვარდა და „პალიტრა L”-ის ლიტერატურული კონკურსის შესახებაც „ბიბლუსში“, წიგნის საყიდლად შესულმა გაიგო.
- რა გახდა „ფეხბურთის მოთამაშის“ დაწერის ინსპირაცია?
- კონკრეტული ინსპირაცია არ არსებობს, ალბათ, ჯამში ერთად, ბევრმა რაღაცამ მოახდინა გავლენა. ჩემთვის წერა სტრესის მოხსნისა და განტვირთვის საშუალება იყო, დღიურის წარმოების მსგავსი, ბავშვობაში რომ აკეთებ, თუმცა მე უკვე „დიდური“ დღიური გამომივიდა.
- ნაწარმოებში თქვენი პირადი გამოცდილების შესახებ არის მოთხრობილი თუ გამოგონილ ისტორიებსა და გმირებს გვაცნობთ?
ალბათ ორივე - პირადი გამოცდილებაც, რომელიც მხატვრულად არის გაფორმებული, და შეთხზულიც. კონკრეტული ისტორია, რის გამოც „ფეხბურთის მოთამაშე“ დავწერე, არ მაქვს. უბრალოდ, თითქოს კონკრეტული რაღაცისთვის კი არ წერ, იმისთვის წერ, რომ სხვა გზა არ გაქვს, გჭირდება ეს... აუცილებელი იყო, რომ რაღაც ასეთი გამეკეთებინა.
- შინაარსის შესახებაც გვიამბეთ. რას ეხება წიგნი?
- ეს წიგნი ყველაფერზეა, ფეხბურთის მოთამაშის გარდა. წაკითხვის შემდეგ ჩანს, რატომ ჰქვია „ფეხბურთის მოთამაშე“. მისი შინაარსი არის იმ ცვლილებების შესახებ, რომლებიც ადამიანში ხდება. გარკვეულ მომენტში ალბათ ყველა გადის პერიოდს, როცა ძველი ფასეულობები აზრს კარგავს, რაღაც ახლის ძიებაში ხარ, უამრავი კითხვის ნიშანი გიჩნდება, ეჭვის თვალით უყურებ შენს მანამდე განვლილ ცხოვრებას, არ იცი, მომავალში რა გინდა, და სადღაც შუაში ხარ გაჩხერილი. ალბათ ამაზეა ეს მოთხრობა - შუაში გაჩხერილ მდგომარეობაზე.
მთელი მოთხრობა კითხვის ნიშნებია, რომლებზეც პასუხი განსხვავებული და ინდივიდუალურია. ჩემთვის უამრავი კითხვა ჯერ კიდევ უპასუხოდ არის დარჩენილი.
- რატომ გადაწყვიტეთ, რომ „პალიტრა L”-ის კონკურსში მიგეღოთ მონაწილეობა და რა მოლოდინი გქონდათ ამ კონკურსიდან?
- „ბიბლუსში“ დავდივარ ხოლმე, წიგნებს ვყიდულობ, ახალ ავტორებს სულ ვეცნობი. ერთ-ერთი ავტორი, რომლის წიგნიც მირჩიეს, სწორედ ამ კონკურსის გამარჯვებული იყო. ამ ავტორის ნაწარმოების კითხვისას გავიგე, რომ მსგავსი კონკურსი არსებობს. მოთხრობა ბოლომდე დაწერილი არ მქონდა, როცა გავგზავნე. კონკურსის ფორმატიც ასეთი იყო, რომ ნაწარმოების დასაწყისი უნდა გაგეგზავნა. დასაწყისის გაგზავნის შემდეგ, დავასრულე წიგნზე მუშაობა.
ამ კონკურსში იმიტომ მივიღე მონაწილეობა, რომ სხვა მსგავსი კონკურსი არ არსებობს.
მოგების გარდა, ყველაფრის მოლოდინი მქონდა. ალბათ, საკუთარ ნაწერს ადამიანი უფრო კრიტიკულად აღიქვამ, როცა გამოცდილება არ გაქვს და არავის არ უთქვამს, შენი ნაწარმოები კარგია ან ცუდი. ჩემთვის ძალიან რთული იყო შეფასება, კარგი მოთხრობა გამომდიოდა თუ ცუდი.
ამ კონკურსში ნამუშევრის გაგზავნისას, ჩემი მიზანი იყო ის, რომ საკუთარ თავთან გამერკვია, რაღაც ღირებული გამომდიოდა თუ არა. თუ ღირებული ნამუშევარი გამოგდის, ჟიურის წევრებმა ეს უნდა შენიშნონ. თავიდანვე ასე გადავწყვიტე, თუ ჟიურიმ ჩემს მოთხრობაში რაღაც ღირებული დაინახა, კარგი იქნება, თუ არადა, არა უშავს, მილიონ ადამიანს დაუწერია რაღაც და წაუშლია ან გადაუგდია-მეთქი.
მოგებაზე დიდად არ მიფიქრია. გულწრფელად რომ ვთქვა, ასეთ შეფასებას არ მოველოდი და ძალიან სასიამოვნო აღმოჩნდა. ეს იყო ყველაზე დიდი ჯილდო, რაც მივიღე!
მწერლისთვის ძალიან მნიშვნელოვანია, ჰქონდეს თავისი წიგნი, რათა მკითხველს მისი ნაწარმოების გაცნობისა და მისი გმირების ისტორიებით აღფრთოვანების საშუალება მიეცეს. ეს ერთგვარად, მწერლის აღიარებას ნიშნავს, რადგან თუნდაც თაროზე შემოდებული წიგნი ავტორსა და ნაწარმოებს უკვდავებას ანიჭებს.
ნიკოლას მაჩაბელი, ანუ ბექა ბაღაშვილი, ერთ-ერთი იყო, ვინც ოცნებობდა, თავისი ნაწარმოები წიგნის სახით გამოეცა. ბექამ ამისთვის ბრძოლა დაიწყო, თუმცა აღმოჩნდა, რომ გამომცემლების დაინტერესება და წიგნის გამოცემა თითქმის დაუძლეველ სირთულეებთან იყო დაკავშირებული. ამის გამო, ბექას იმედი არაერთხელ გაუცრუვდა, თუმცა „პალიტრა L”-ის კონკურსში „გახდი ბესტსელერის ავტორი 2019“ მონაწილეობის მიღება მაინც გადაწყვიტა და ჟიურის ერთ-ერთი რჩეულიც გახდა.
ბექა ბაღაშვილი პროფესიით გეოგრაფია. მიუხედავად იმისა, რომ თავისი პროფესია მოსწონს, მომავალს მაინც ლიტერატურაში ხედავს. ფიქრობს, რომ ნიკოლას მაჩაბელი იქნება ფსევდონიმი, რომელსაც ლიტერატურის ყველა მოყვარული დაიმახსოვრებს, მანამდე კი მწერალს ბევრი სამუშაო აქვს.
ნიკოლას მაჩაბლის ნაწარმოები „ჩაინა კონტრასტებიდან“ ქართველი ემიგრანტის მისტიკითა და მოულოდნელობებით სავსე ჩინურ გამოცდილებას აღწერს, მკითხველს უამბობს, რას ნიშნავს დარჩე მარტო უცხო გარემოში, აბსოლუტურად განსხვავებულ სამყაროში, რომელთანაც არაფერი გაკავშირებს. ამ ემოციებით სავსე ნაწარმოებმა ჟიურის დიდი მოწონება დაიმსახურა. მწერალს იმედი აქვს, რომ ჩინეთის განაპირა პროვინციაში მიღებული მისტიკით სავსე გამოცდილება მკითხველზე წარუშლელ შთაბეჭდილებას დატოვებს.
ახალგაზრდა მწერალმა ჩინური მოგზაურობისა და „პალიტრა L”-ის ლიტერატურული კონკურსის დეტალებზე AMBEBI.GE-ს თავად უამბო.
პროფესიით გეოგრაფმა და თქვენს საქმეში რეალიზებულმა ახალგაზრდამ როგორ დაიწყეთ მწერლობა, რამ გიბიძგათ ამისკენ?
ბავშვობიდან ვწერდი. თავდაპირველად, ლექსების წერა დავიწყე, რომლებიც სკოლის გაზეთშიც დაიბეჭდა. ეს ყველაფერი ძალიან მიხაროდა. უნივერსიტეტში სწავლის პერიოდშიც, ძირითადად, ლექსებს ვწერდი, ძალიან აქტიური ვიყავი. თსუ-ის ლიტერატურულ კლუბშიც გავწევრიანდი, ჩემი ლექსები იბეჭდებოდა უნივერსიტეტის სხვადასხვა გაზეთსა და ჟურნალში. საბოლოოდ, 2010 წელს, უნივერსიტეტს რომ ვამთავრებდი, პირველად დავწერე დიდი ნოველა. ეს ნაწარმოები გავგზავნე მაშინდელ „ლიტერატურულ პალიტრაში“ და მაშინვე დამიბეჭდეს. ეს იყო პირველი შემთხვევა, როცა ჩემი ლიტერატურა გავიდა უფრო შორს, ვიდრე სამეგობრო წრე და უნივერსიტეტი. ეს ნოველა „ვაშლი და ფორთოხლები“აგვისტოს ომის თემატიკაზე იყო.
ამან შთაგაგონათ, რომ შემოქმედებითი მუშაობა არ შეგეჩერებინათ?
ამის შემდეგ, სულ ვწერდი. თანაც, ხშირად ვიცვლიდი ფსევდონიმებს. უნივერსიტეტის პერიოდში, ფსევდონიმად მქონდა - „ბექ ნიკასონი“.
უნივერსიტეტის დამთავრების შემდეგ, მუშაობა საჯარო სამსახურში დავიწყე. ეს სამსახური ჩემთვის ძალიან ჩამხუთველი და დამზაფვრელი აღმოჩნდა. დაახლოებით, 4-5 წლის განმავლობაში, ერთსა და იმავე სისტემაში გადაბმით ვმუშაობდი. ფაქტობრივად, უნივერსიტეტის შემდეგ, შემოქმედებით საქმიანობას, მღელვარებას, სტუდენტურ ცხოვრებას მოვწყდი და ჩავები საოფისე ცხოვრებაში, რამაც ძალიან „შემჭამა“ და „დამღრღნა“.
მიუხედავად ამისა, რამდენიმე წლის შემდეგ დამეწყო ერთგვარი შემოქმედებითი აფეთქება. ვწერდი იმაზე, რასაც ვხედავდი, რაც ხდებოდა საქართველოს საჯარო უწყებებსა და საოფისე ცხოვრებაში. ეს იყო ჩემი ძირითადი ლიტერატურული შთაგონება. ჩემი ნოველები გადადიოდა ფანტასტიკაში, მისტიკაში და იძენდა საინტერესო სახეს. რამდენიმე ნოველა დამიგროვდა და გადავწყვიტე, მაშინდელი ჟურნალებისთვის გამეგზავნა. ჩემდა გასაკვირად, პირველივე ცდაზე მოეწონათ.
თქვენი სახელი და გვარია ბექა ბაღაშვილი. ფსევდონიმად ნიკოლას მაჩაბელი რატომ აირჩიეთ?
ეს ფსევდონიმი ერთ-ერთი ჟურნალის რედაქტორთან კამათისას დაიბადა. რედაქტორმა მითხრა, ყელში ამომივიდა ფსევდონიმებით წერა და არ დაგიბეჭდავ ფსევდონომითო. ვუთხარი, რომ სახელითა და გვარით გამოქვეყნება არ მსურდა, რაზეც მიპასუხა: „მაშინ კარგი, არ დავბეჭდავ“.
საშინლად გამიცრუვდა იმედი. ამ კამათიდან ზუსტად, ორ დღეში მომწერა, რომ ჩემს შემოთავაზებაზე თანახმა იყო და სურდა, ფსევდონიმი ამერჩია. ფსევდონიმად ყოველთვის ევროპული სახელი მინდოდა. ფრანგული ლიტერატურა და კინო ძალიან მიყვარს. ნიკოლასი როგორც სახელი, ძალიან მომწონს, კარგად ჟღერს. რაც შეეხება გვარს, იქიდან გამომდინარე, რომ ბაღაშვილები აზნაურები იყვნენ, თავადური გვარი ავარჩიე. ასევე, გავლენა მოახდინა ივანე მაჩაბლის ფაქტორმაც, რომელმაც, ილია ჭავჭავაძესთან ერთად, შექსპირი პირველმა თარგმნა და, საერთოდ, დიდი ღვაწლი ჰქონდა ლიტერატურის საწყისებთან. 3 წლის წინ, ასე გავხდი ნიკოლას მაჩაბელი.
საბოლოოდ, გადაწყვიტეთ, საოფისე ცხოვრება გვერდით გადაგედოთ და ინგლისური ენის მასწავლებლად ჩინეთში წასულიყავით. როგორც კონკურსიდან გახდა ცნობილი, სწორედ აქ დაიბადა „ჩაინა კონტრასტებიდან“. გვიამბეთ ჩინური გამოცდილების შესახებ...
პირველ რიგში, რამაც ამ ნაწარმოების წერა შთამაგონა, სამშობლოს მონატრება იყო. მენატრებოდა ოჯახი, მეგობრები... ჩინეთი სრულიად განსხვავებული აღმოჩნდა ჩემთვის.
ყველაფერი, რასაც ვიცნობთ, რაც ვიცით, ლიტერატურა, კინო, იქ არაფერს ნიშნავდა. იმდენად სხვა სამყარო იყო, რომ თავი ძალიან მარტოდ ვიგრძენი. ამასთან, აღმოვჩნდი ქალაქში, სადაც უცხოელი არავინ იყო, პირველი და ერთადერთი უცხოელი მე აღმოვჩნდი. ინგლისურის მასწავლებლად ვიყავი ციმბირთან ახლოს, ჩრდილოეთ პერიფერიაში, რუსეთის საზღვართან. დავიწყე უკვე იმაზე ფიქრი, თუ რა ვიყავი მე ამ ქალაქისთვის და რა იყო ეს ქალაქი ჩემთვის, ანუ ნიკოლას მაჩაბლისთვის.
პირველ ნაწილში აღწერილია ის ამბები, თუ როგორ ჩადის იქ, როგორ ერგება სიტუაციას, როგორ იწყებს ცხოვრებას, მუშაობას. ამის პარალელურად, არის დედისა და სამშობლოს განუწყვეტელი მონატრება, შენი ცუდი და მტკივნეულიც რომ გენატრება. აღწერილია მიამიტური შეხედულებები გულუბრყვილო პერსონაჟისა, რომელმაც არ იცის, რა მოხდება მის თავს. მეორე ნაწილიც მთლიანად ჩინეთს ეხება, მაგრამ საქართველოში, ერთ კვირაშია დაწერილი.
ყველაფერს, რაც ჩინეთში ვნახე, თითქოს თვალებით გადავუღე ფოტოები, მერე ეს ყველაფერი შევკარი და ავაგე სიუჟეტი, რომელიც მკითხველს, იმედია, დააინტერესებს.
რატომ სახელი „ჩაინა კონტრასტებიდან“?
ეს სახელი ჩინეთში შევარჩიე, რადგან აღმოსავლეთის ამ ქვეყანაში ყველაფერი საოცრად განსხვავებული და კონტრასტული იყო.
მწერლისთვის ძალიან მნიშვნელოვანია, ჰქონდეს თავისი წიგნი, რათა მკითხველს მისი ნაწარმოების გაცნობისა და მისი გმირების ისტორიებით აღფრთოვანების საშუალება მიეცეს. ეს ერთგვარად, მწერლის აღიარებას ნიშნავს, რადგან თუნდაც თაროზე შემოდებული წიგნი ავტორსა და ნაწარმოებს უკვდავებას ანიჭებს.
ნიკოლას მაჩაბელი, ანუ ბექა ბაღაშვილი, ერთ-ერთი იყო, ვინც ოცნებობდა, თავისი ნაწარმოები წიგნის სახით გამოეცა. ბექამ ამისთვის ბრძოლა დაიწყო, თუმცა აღმოჩნდა, რომ გამომცემლების დაინტერესება და წიგნის გამოცემა თითქმის დაუძლეველ სირთულეებთან იყო დაკავშირებული. ამის გამო, ბექას იმედი არაერთხელ გაუცრუვდა, თუმცა „პალიტრა L”-ის კონკურსში „გახდი ბესტსელერის ავტორი 2019“ მონაწილეობის მიღება მაინც გადაწყვიტა და ჟიურის ერთ-ერთი რჩეულიც გახდა.
ბექა ბაღაშვილი პროფესიით გეოგრაფია. მიუხედავად იმისა, რომ თავისი პროფესია მოსწონს, მომავალს მაინც ლიტერატურაში ხედავს. ფიქრობს, რომ ნიკოლას მაჩაბელი იქნება ფსევდონიმი, რომელსაც ლიტერატურის ყველა მოყვარული დაიმახსოვრებს, მანამდე კი მწერალს ბევრი სამუშაო აქვს.
ნიკოლას მაჩაბლის ნაწარმოები „ჩაინა კონტრასტებიდან“ ქართველი ემიგრანტის მისტიკითა და მოულოდნელობებით სავსე ჩინურ გამოცდილებას აღწერს, მკითხველს უამბობს, რას ნიშნავს დარჩე მარტო უცხო გარემოში, აბსოლუტურად განსხვავებულ სამყაროში, რომელთანაც არაფერი გაკავშირებს. ამ ემოციებით სავსე ნაწარმოებმა ჟიურის დიდი მოწონება დაიმსახურა. მწერალს იმედი აქვს, რომ ჩინეთის განაპირა პროვინციაში მიღებული მისტიკით სავსე გამოცდილება მკითხველზე წარუშლელ შთაბეჭდილებას დატოვებს.
ახალგაზრდა მწერალმა ჩინური მოგზაურობისა და „პალიტრა L”-ის ლიტერატურული კონკურსის დეტალებზე AMBEBI.GE-ს თავად უამბო.
პროფესიით გეოგრაფმა და თქვენს საქმეში რეალიზებულმა ახალგაზრდამ როგორ დაიწყეთ მწერლობა, რამ გიბიძგათ ამისკენ?
ბავშვობიდან ვწერდი. თავდაპირველად, ლექსების წერა დავიწყე, რომლებიც სკოლის გაზეთშიც დაიბეჭდა. ეს ყველაფერი ძალიან მიხაროდა. უნივერსიტეტში სწავლის პერიოდშიც, ძირითადად, ლექსებს ვწერდი, ძალიან აქტიური ვიყავი. თსუ-ის ლიტერატურულ კლუბშიც გავწევრიანდი, ჩემი ლექსები იბეჭდებოდა უნივერსიტეტის სხვადასხვა გაზეთსა და ჟურნალში. საბოლოოდ, 2010 წელს, უნივერსიტეტს რომ ვამთავრებდი, პირველად დავწერე დიდი ნოველა. ეს ნაწარმოები გავგზავნე მაშინდელ „ლიტერატურულ პალიტრაში“ და მაშინვე დამიბეჭდეს. ეს იყო პირველი შემთხვევა, როცა ჩემი ლიტერატურა გავიდა უფრო შორს, ვიდრე სამეგობრო წრე და უნივერსიტეტი. ეს ნოველა „ვაშლი და ფორთოხლები“აგვისტოს ომის თემატიკაზე იყო.
ამან შთაგაგონათ, რომ შემოქმედებითი მუშაობა არ შეგეჩერებინათ?
ამის შემდეგ, სულ ვწერდი. თანაც, ხშირად ვიცვლიდი ფსევდონიმებს. უნივერსიტეტის პერიოდში, ფსევდონიმად მქონდა - „ბექ ნიკასონი“.
უნივერსიტეტის დამთავრების შემდეგ, მუშაობა საჯარო სამსახურში დავიწყე. ეს სამსახური ჩემთვის ძალიან ჩამხუთველი და დამზაფვრელი აღმოჩნდა. დაახლოებით, 4-5 წლის განმავლობაში, ერთსა და იმავე სისტემაში გადაბმით ვმუშაობდი. ფაქტობრივად, უნივერსიტეტის შემდეგ, შემოქმედებით საქმიანობას, მღელვარებას, სტუდენტურ ცხოვრებას მოვწყდი და ჩავები საოფისე ცხოვრებაში, რამაც ძალიან „შემჭამა“ და „დამღრღნა“.
მიუხედავად ამისა, რამდენიმე წლის შემდეგ დამეწყო ერთგვარი შემოქმედებითი აფეთქება. ვწერდი იმაზე, რასაც ვხედავდი, რაც ხდებოდა საქართველოს საჯარო უწყებებსა და საოფისე ცხოვრებაში. ეს იყო ჩემი ძირითადი ლიტერატურული შთაგონება. ჩემი ნოველები გადადიოდა ფანტასტიკაში, მისტიკაში და იძენდა საინტერესო სახეს. რამდენიმე ნოველა დამიგროვდა და გადავწყვიტე, მაშინდელი ჟურნალებისთვის გამეგზავნა. ჩემდა გასაკვირად, პირველივე ცდაზე მოეწონათ.
თქვენი სახელი და გვარია ბექა ბაღაშვილი. ფსევდონიმად ნიკოლას მაჩაბელი რატომ აირჩიეთ?
ეს ფსევდონიმი ერთ-ერთი ჟურნალის რედაქტორთან კამათისას დაიბადა. რედაქტორმა მითხრა, ყელში ამომივიდა ფსევდონიმებით წერა და არ დაგიბეჭდავ ფსევდონომითო. ვუთხარი, რომ სახელითა და გვარით გამოქვეყნება არ მსურდა, რაზეც მიპასუხა: „მაშინ კარგი, არ დავბეჭდავ“.
საშინლად გამიცრუვდა იმედი. ამ კამათიდან ზუსტად, ორ დღეში მომწერა, რომ ჩემს შემოთავაზებაზე თანახმა იყო და სურდა, ფსევდონიმი ამერჩია. ფსევდონიმად ყოველთვის ევროპული სახელი მინდოდა. ფრანგული ლიტერატურა და კინო ძალიან მიყვარს. ნიკოლასი როგორც სახელი, ძალიან მომწონს, კარგად ჟღერს. რაც შეეხება გვარს, იქიდან გამომდინარე, რომ ბაღაშვილები აზნაურები იყვნენ, თავადური გვარი ავარჩიე. ასევე, გავლენა მოახდინა ივანე მაჩაბლის ფაქტორმაც, რომელმაც, ილია ჭავჭავაძესთან ერთად, შექსპირი პირველმა თარგმნა და, საერთოდ, დიდი ღვაწლი ჰქონდა ლიტერატურის საწყისებთან. 3 წლის წინ, ასე გავხდი ნიკოლას მაჩაბელი.
საბოლოოდ, გადაწყვიტეთ, საოფისე ცხოვრება გვერდით გადაგედოთ და ინგლისური ენის მასწავლებლად ჩინეთში წასულიყავით. როგორც კონკურსიდან გახდა ცნობილი, სწორედ აქ დაიბადა „ჩაინა კონტრასტებიდან“. გვიამბეთ ჩინური გამოცდილების შესახებ...
პირველ რიგში, რამაც ამ ნაწარმოების წერა შთამაგონა, სამშობლოს მონატრება იყო. მენატრებოდა ოჯახი, მეგობრები... ჩინეთი სრულიად განსხვავებული აღმოჩნდა ჩემთვის.
ყველაფერი, რასაც ვიცნობთ, რაც ვიცით, ლიტერატურა, კინო, იქ არაფერს ნიშნავდა. იმდენად სხვა სამყარო იყო, რომ თავი ძალიან მარტოდ ვიგრძენი. ამასთან, აღმოვჩნდი ქალაქში, სადაც უცხოელი არავინ იყო, პირველი და ერთადერთი უცხოელი მე აღმოვჩნდი. ინგლისურის მასწავლებლად ვიყავი ციმბირთან ახლოს, ჩრდილოეთ პერიფერიაში, რუსეთის საზღვართან. დავიწყე უკვე იმაზე ფიქრი, თუ რა ვიყავი მე ამ ქალაქისთვის და რა იყო ეს ქალაქი ჩემთვის, ანუ ნიკოლას მაჩაბლისთვის.
პირველ ნაწილში აღწერილია ის ამბები, თუ როგორ ჩადის იქ, როგორ ერგება სიტუაციას, როგორ იწყებს ცხოვრებას, მუშაობას. ამის პარალელურად, არის დედისა და სამშობლოს განუწყვეტელი მონატრება, შენი ცუდი და მტკივნეულიც რომ გენატრება. აღწერილია მიამიტური შეხედულებები გულუბრყვილო პერსონაჟისა, რომელმაც არ იცის, რა მოხდება მის თავს. მეორე ნაწილიც მთლიანად ჩინეთს ეხება, მაგრამ საქართველოში, ერთ კვირაშია დაწერილი.
ყველაფერს, რაც ჩინეთში ვნახე, თითქოს თვალებით გადავუღე ფოტოები, მერე ეს ყველაფერი შევკარი და ავაგე სიუჟეტი, რომელიც მკითხველს, იმედია, დააინტერესებს.
რატომ სახელი „ჩაინა კონტრასტებიდან“?
ეს სახელი ჩინეთში შევარჩიე, რადგან აღმოსავლეთის ამ ქვეყანაში ყველაფერი საოცრად განსხვავებული და კონტრასტული იყო.
როცა „გახდი ბესტსელერის ავტორი“ დაიწყო, თქვენი ნოველები რამდენიმე ჟურნალში უკვე გამოქვეყნებული იყო, შესაბამისად, მკითხველის ნაწილი გიცნობდათ. რა მოლოდინები გქონდათ კონკურსიდან?
მას მერე, რაც ნოველებს ვწერდი და ვგზავნიდი, სულ იბეჭდებოდა. ასევე, მონაწილეობა მივიღე ლიტერატურულ კონკურსში - „რევაზ ინანიშვილის სახელობის ლიტერატურული პრემია“ - და გავიმარჯვე.
საბოლოოდ, ჩემი ნოველები წიგნად შევკარი და გამომცემლობებში გავგზავნე. არცერთი მათგანისგან პასუხი არ მიმიღია. მოვიდა დაპირებები, „წავიკითხავთ“, „შემდეგში ვნახავთ“, „ცოტა ხანში მოდით“, მაგრამ არავისგან არაფერი მოსულა. ისიც კი არ უპასუხიათ, რომ წაიკითხეს და არ მოეწონათ. ამის გამო ძალიან იმედგაცრუებული ვიყავი, ნოველების კრებულის დაბეჭდვაზე ხელი ჩავიქნიე. არადა, ყოველთვის მინდოდა, რომ ნიკოლას მაჩაბლის წიგნი გამოსულიყო. მწერლისთვის წიგნს ძალიან დიდი მნიშვნელობა აქვს. წიგნი იქნება ყოველთვის, შეიძლება, უბრალოდ ბიბლიოთეკაში იდოს, მაგრამ იქნება, იცოცხლებს. მწერალი უფრო ცოცხლობს და შემორჩება, თუ მისი წიგნი არსებობს.
და აი, გამოჩნდა „პალიტრა L”-ის პროექტი. უკეთესი რა უნდა მომხდარიყო? - ამ პროექტში წიგნს მიბეჭდავენ.
კონკურსის განმავლობაში, მცირე იმედი მქონდა, გული რომ ნახევარზე გაყო, ისეთი. აღმოჩნდა, რომ ჟიურის რჩეული გავხდი და ჩემი წიგნი მალე გამოჩნდება თაროებზე.
სახალხო და მასშტაბური ლიტერატურული კონკურსი „გახდი ბესტსელერის ავტორი 2019“ ფინალს უახლოვდება. 7 ივნისს, 00:00 საათზე, პირველი ტურის ფარგლებში, ხმის მიცემა შეწყდა. ფინალისტების ვინაობა უკვე ცნობილია - 10 მათგანი ხალხის რჩეულია, ხოლო 10 - ხუთმა კომპეტენტურმა, კონფიდენციალურმა ჟიურის წევრმა გამოავლინა.
„ჟიურის წევრებისთვის არჩევანის გაკეთება, გასულ წლებთან შედარებით, ბევრად უფრო რთული იყო.
სია ასეთია:
ხალხის რჩეულები გახდნენ: თამარ გოდერიძე, ნინო გელოვანი, ლუკა ხატიაშვილი, ნანი მანველიშვილი, თეო ჯამასპიშვილი, თინიკო ბერიძე, ლევან რამაზაშვილი, მარიამ ელიაშვილი, მაია ლომაშვილი, ანა მაწკეპლაძე.
ჟიურის რჩეულები გახდნენ: არჩილ ფირიაშვილი, მალხაზ ასლამაზაშვილი, ნიკოლას მაჩაბელი, ნინო ამირეჯიბი, ფიქრია ყუშიტაშვილი, თინა თაყაძე, გვანცა ხაბელაშვილი, უჩა მაზმიშვილი, ნიკოლოზ არჩვაძე და თინიკო ბერიძე.
ფინალში პირველ ტურში მიღებული ხმები ანულირდება და კონკურსანტებისთვის ხმის მიცემა დაიწყება თავიდან, 25 ივნისიდან 9 ივლისის ჩათვლით.
10 ივლისს გამოცხადდება მაქსიმუმ 5 გამარჯვებული. 3 მკითხველის რჩეული გახდება, მაქსიმუმ 2 − ჟიურის.
გამარჯვებულების გამოვლენამდე ლიტერატურული კონკურსის ჟიურის წევრთა ვინაობა კონფიდენციალურია“.
